Námskeið um EndNote fyrir PC

Fimmtudaginn 15. febrúar og föstudaginn 16. febrúar stendur Landsbókasafn Ísland - Háskólabókasafn fyrir tveimur námskeiðum í EndNote í samvinnu við Ritver Hugvísindasviðs. Námskeiðin verða haldin í fyrirlestrarsal á 2. hæð Þjóðarbókhlöðunnar kl. 12-13.
 
Námskeiðin eru fyrir EndNote í PC en samskonar námskeið fyrir Mac verður haldið 22. febrúar og auglýst sérstaklega.
 
Sýnt verður hvernig á að frumskrá heimildir í EndNote og sækja úr gagnasöfnum. Að auki verður sýnt hvernig hægt er að sækja tilvísanir (í texta jafnt sem neðanmálsgrein (e. footnote)) beint úr EndNote og hvernig forritið setur upp heimildaskrá eftir öllum helstu stöðlum. EndNote-hugbúnaðinn má sækja ókeypis (ásamt leiðbeiningum) á Uglu undir tölvuþjónusta - hugbúnaður. Mikilvægt er að vera búinn að setja upp EndNote áður en námskeiðið hefst og er notendum bent á að snúa sér til Reiknistofnunar á Háskólatorgi ef þeir lenda í einhverjum vandræðum með uppsetningu.
 
Kennari á námskeiðinu er Erlendur Már Antonsson, starfsmaður Landsbókasafns Íslands - Háskólabókasafns.
 
Hámarksfjöldi á námskeiðin er 20 og því nauðsynlegt að skrá sig. Smellið HÉR fyrir 15. febrúar og fyrir 16. febrúar HÉR.
Þú ert að nota: brimir.rhi.hi.is